Lah lamo ambo mandapek kaba bahwa sipil 98 tercinta kini lah punyo blog lo, namun baitu baru kini tasampai mukasuik hati ka manulih pulo di blog awak nan rancak ko.
kok dicaliak kawan-kawan kini alhamdulillah iyo lah gagah-gagah sadonyo, kembali terkenang maso2x dahulu di bangku kuliah rasonyo lah taubek jerih payah salamo tu.
Apo nan disabuikan kawan2x disiko mengenai DJ, baru ambo tersadarkan kini... paaaatuuuuikkklah......... salamo ko kok manelpon DJ ka awak, iyo ndak pernak indak pasti tasabuik deknyo namo kawan BRI awak tu.... :-))
kok baitu adonyo hanyo pantun dapek ambo barikan nan kini ko...
Pulau pandan jauah di tangah
Di baliak pulau si angso duo
Nan jo adiak lah lamo tapisah
Namun kok cinto ka baa juo
Hehehe.. kok ndak nyambuang disambuang-sambuang se lah yo...
Kok kawan lah banyak lo malakekan fotonyo disiko ambo lai lo saketek sekedar pengingat kok ado nan lupo jo ambo... aaa iko nyo..
Kok si cathuak bakodak jo kudo, diambo lai lo ko nyo...
Iko foto ambo waktu uji cubo bandara baru di Makasar tempo hari (ambo no. dua dari suok)...
Sekian dulu posting ambo untuak kini ko
kok lai umua panjang basuo lai wak handaknyo
Wassalamualaikum wr wb
Tidak ada komentar:
Posting Komentar