"Bagarah Kudo"

Kudo bukan sumbarang kudo
Kudo dibaok dari jao
Ko’ ado hati nan taluko
Usah disimpan lamo-lamo

Lapeh lah kudo tangah galanggang
Bia jaleh kudo nan manang
Ko’ ado kawan nan tak sanang
Marilah kito basanang-sanang

Ciek duo kudo balari
Balari kancang di siang hari
Nyampang ko’ ado nan sakik hati
Usah disimpan di dalam hati

Kudo balang kancang larinyo
Lari lah malah ka dalam rimbo
Nyampang ko’ ado hati nan taibo
Di bari maaf lah sakironyo

Pantun kudo, pantun rang mudo
Paintang hari manjalang sanjo
Sakian dulu dari ambo
Untuak kawan sadonyo nan bagarah kudo